fellsmork.is

Örnefni á Fellsmörk

Örnefnastofnun (sem er hluti Árnastofnunar) birtir örnefnalýsingar frá staðkunnugu fólki frá þeim svæðum sem er lýst. Við erum svo heppin að nokkrar þannig lýsingar eru til um Fellsmörk og nágrenni. Þær eru hér aðgengilegar á vef Fellsmerkur.

Örnefnamyndir

Norðaustan við Fellsfjall, myndin tekin ofan af fjallinu, snemma vors 2022. Þessi örnefni eru nokkuð örugglega öll rétt en Klofningar þó líklega aðeins meira til vinstri fyrir innan þveril að Holtsárgljúfri rétt fyrir ofan Háfoss.
Innan við Fellsfjall. Þessi örnefni eru nokkuð örugglega öll rétt. Endinn á Fellinu heitir svo Fjallsendi. Myndin er tekin í apríl 2022.
Drónamynd tekin yfir Lambá. Öll örnefni eru nokkuð örugg en fossinn sem er kallaður Fjallgilsfoss er líklega “nýtt” örnefni. Ekki er vitað til að hann hafi haft neitt nafn en Fjallgilsfoss er ágætt nafn á hann miðað við að gilið heiti Fjallgil, sem er vonandi rétt. Myndin er tekin snemma vors 2024.
Mynd frá nóvember 2010, tekin ofan af Búrfelli. Ekkert alveg öruggt með þessi örnefni næst jöklinum: Jökulhaus og Stórihryggur en bæði örnefnin eru þar merkt á kort.

Ábendingar:
Allar ábendingar um örnefni eru vel þegnar og þá sérstaklega ef eitthvað sem hér kemur ekki fram er ekki rétt. Sendist til Einars Ragnars á netfangið: eragnarsig@gmail.com.