----------------------
SÉRSTAKT EFNI
Erindi Valdimars af aðalfundi 2012: Umhirða trjágróðurs
----------------------
FLÝTILEIÐIR
Stjórnarfundur í Félagi landnema í Fellsmörk haldinn 22.11.2007
Dagskrá fundarins var svohljóðandi:
1) Fundargerð síðasta
stjórnarfundar (Umsj: Ritari / EK)
1
Fundargerð síðasta stjórnarfundar. Fundargerðin var lesin upp (EK) og samþykkt og undirrituð af fundarmönnum.
2 Staða GPS-mælinga í Fellsmörk.
HS hafði samband við Elínu
Erlingsdóttur hjá Landnotum fyrr í dag: Vantar loftmynd af svæðinu
austan Fells; myndir frá austursvæðinu munu berast EE fyrir atbeina
Mýrdalshrepps. Úrvinnsla gagna er hafin. Punktur milli spildna 1 og 3 í
Heiðarbraut verður leiðréttur; Elín fer á staðinn og mælir punktinn
eftir ábendingu frá Björgvini Salómonssyni.
3 Umsókn um styrk til Landgræðslunnar. EK gaf skýrslu um málið. Ekkert hefur enn heyrst frá Landgræðslunni eins og lofað var, þ.e. frá Gylfa Júlíussyni sérfræðingi Landgr. EK mun hafa samband við hann næstu daga til þess að halda málinu vakandi. HE hefur rætt nýlega við Þórarin Þorláksson og Sigurjón Eyjólfsson um varnargarðana á Fellsmörk. Landgr. mun eiga flesta garða á austursvæðinu en Vegagerðin á vestursvæðinu. Hafa bændur fyrir austan áhyggjur af ástandi garðanna.
4 Lóðarleigusamningar á grundvelli
GPS-mælinga og undanfari þeirra. HS hefur gert úttekt á þeim landnemasamningum sem til eru og eru þeir til í fjórum gerðum eftir því hvenær þeir eru gerðir. Lagði HS fram útprentað yfirlit um þá gerð samninga sem landnemar eru með. Flestir eru með gerð 4 frá 2001 þar sem gert er ráð fyrir að samningstími fylgi samningstíma SR og LBR. Var álit fundarmanna að texti gerðar 4 skyldi vera grunntexti samninga þeirra landnema sem enn hafa ekki undirritað neina samninga. HS rakti samskipti sín undanfarnar vikur í tölvupósti við aðila málsins: Sveitarstjórann í Vík, sýslumanninn í Vík, HG hjá SR og samskipti SR og LBR. Er ekki annað að skilja en að allir aðilar málsins séu sáttir við að frágangur samninga og þinglýsing eldri og nýrra samninga, ásamt nauðsynlegum stofnskjölum, nái fram að ganga og liggur fyrir hvaða verklagi skuli fylgt.
5 Fréttir af stjórnarstörfum SR. HE var beðin um að upplýsa stjórn SR um þinglýsingarferlið og þá vinnu sem er í gangi til þess að ljúka því.
6 Heimasíða félagsins. Ákveðið var að setja skannaða gerð af upphaflegum samningi SR við LBR á heimasíðu félagsins. Þá var ERS falið að senda félagsmönnum jóla- og áramótakveðju á heimasíðunni og jafnframt setja myndir, sem voru sýndar á fræðslufundinum 5. nóv. sl., inn á síðuna.
7. Önnur mál. Engin. Fundi slitið kl. 22.00.
Fundargerðina ritaði Einar Kristjánsson |
