Stjórnarfundur í Félagi landnema

----------------------
SÉRSTAKT EFNI

Erindi Valdimars af aðalfundi 2012: Umhirða trjágróðurs

Fuglalíf á Fellsmörk

Panoramamyndir

----------------------
FLÝTILEIÐIR

Félagatal

Fundargerðir

Vegir og slóðar

Lönd á Fellsmörk (GPS)

Stjórnarfundur í Félagi landnema í Fellsmörk haldinn 25.10.2007

Staður:
Laugateigur 16, Reykjavík

Tími:
25. okt. 2007, kl. 21.30 – 22.45

Viðstaddir: Frá Heiðarbraut: Sigrún María Kristinsdóttir (SMK)
Frá Keldudal: Auðunn Oddsson (AO)
Frá Hlíðarbraut: Einar Ragnar Sigurðsson (ERS)
Frá Gilbraut: Einar Kristjánsson (EK)
Frá Króki: Hjalti Elíasson (HE);
Hannes Siggason (HS) formaður

Forföll boðuðu:
Frá Hólsbraut: Kjartan Kárason (KK)

Dagskrá fundarins var svohljóðandi:

1) Fundargerð síðasta stjórnarfundar
2) Staða GPS-mælinga í Fellsmörk (umsj. brautarstjórar)
3) Umsókn um styrk til Landgræðslunnar (umsj. EK)
4) Fræðslufundur á vegum félagsins í nóv. 2007 (umsj. HS)

**********Kaffihlé***********

5) Fréttir af stjórnarstörfum SR (HE) 6) Önnur mál (allir)

1 Fundargerð síðasta stjórnarfundar.

Fundargerðin var samþykkt og undirrituð af fundarmönnum.

2 Staða GPS-mælinga í Fellsmörk.

Mælingum lauk 7. október. Bréf barst í gær frá Elínu Erlingsdóttur hjá Landnotum þess efnis að beðið væri eftir kortagrunnum sem Sveinn Pálsson sveitarstjóri hyggst útvega. Berist þeir ekki innan tveggja vikna myndi hún vinna úr mælingunum án þeirra og senda stjórn FLÁF til yfirferðar áður en gögnin fara til byggingafulltrúans í Vík og til SR. Von er til þess að þessum þætti ljúki fyrir áramót.

3 Umsókn um styrk til Landgræðslunnar.

EK gaf skýrslu um málið. Um er að ræða fjárstyrk sem SR sótti um til Landgræðslunnar 13. mars 2007 og sá EK um þá umsókn í samráði við HG hjá SR. Það svar barst sl. vor að málið væri til athugunar. EK spurðist fyrir um málið hjá landgræðslustjóra í dag og fékk þau svör að hann hefði vísað því til Gylfa Júlíussonar sérfræðings Landgr. og myndi Gylfi hafa samband við EK fljótlega. Nú eru miklir vatnavextir í ám í Fellsmörk. EK mun fylgjast með málinu og gefa skýrslu.

4 Fræðslufundur á vegum félagsins í nóv. 2007.

Fundurinn fer fram mánudaginn 5. nóv. kl. 20.00 í fundarsal Félags frímerkjasafnara Síðumúla 17, Rvk. Erindi flytur Jón Geir Pétursson sérfræðingur hjá SÍ. Þá verða kaffiveitingar og myndasýning, auk þess sem formaður skýrir frá því helsta sem er á döfinni hjá félaginu um þessar mundir.

5 Fréttir af stjórnarstörfum SR

HE gerði grein fyrir því helsta sem er á döfinni hjá SR nú, en það eru málefni Hólmsheiðar í Reykjavík þar sem hugmyndir eru uppi um að reisa iðnaðarhverfi í ræktuðu skóglendi (fella þyrfti um 500 þús. trjáplöntur).

6 Önnur mál.

HS tilkynnti að lögheimili félagsins hefði verið flutt heim til hans að Gnitaheiði 14 Kópavogi.

Fundi slitið kl. 22.45.

Fundargerðina ritaði Einar Kristjánsson
Dreifing: Stjórn félagsins, ; Heimasíða félagsins

Facebook síða Fellsmerkur

ÞETTA ER GAMLI VEFUR FELLSMERKUR

Þessum hluta vefsins hefur ekki verið viðhaldið eftir mars 2023.

Nýr vefur er hér: https://www.fellsmork.is/

LUMAR ÞÚ Á EFNI?

Landnemar og aðrir sem luma á efni sem tengist Fellsmörk eru hvattir til að senda það til félagsins svo það komist á vefinn. Sérstaklega er óskað eftir myndum í hóflegu magni sem m.a. sýna hvernig ræktunarstarfið gengur.

Sendist til umsjónarmanns vefsins á netfangið eragnarsig@gmail.com.