Fundagerð hjá stjórn Félags landnema í Fellsmörk

----------------------
SÉRSTAKT EFNI

Erindi Valdimars af aðalfundi 2012: Umhirða trjágróðurs

Fuglalíf á Fellsmörk

Panoramamyndir

----------------------
FLÝTILEIÐIR

Félagatal

Fundargerðir

Vegir og slóðar

Lönd á Fellsmörk (GPS)

Stjórnarfundur í Félagi landnema í Fellsmörk haldinn 6.5.2004

(Fimmti fundur stjórnar veturinn 2003/2004, haldinn hjá Einari Kristjánssyni)

Mættir: Auðunn Oddsson, Einar Kristjánsson, Einar Ragnar Sigurðsson, Hjalti Elíasson, Kjartan J. Kárason, Magnús Jóhannesson og Sveinn Björnsson.

Gestur fundarins var Hannes Siggason.

Helstu atriði úr fundargerð:

Plöntudagurinn: Hannes hefur rætt við Einar Gunnarsson hjá Skógræktarfélagi Íslands og fengið staðfest að plönturnar verði tilbúnar til afgreiðslu í byrjun júní. Til greina kemur að hafa plöntudaginn þann 12. eða þann 19. júní. Endanlega dagsetning verður ákveðin þegar nær dregur.

Drög að samstarfssamningi um ræktun landgræðsluskógar: Farið var yfir samninginn og ákveðið að ERS mundi ræða nánar nokkur atriði við Helga Gíslason hjá SR.

Flutningur á heimili félagsins: Heimili Félags landnema í Fellsmörk er skráð í Fossvogsdal. Ákveðið var að flytja það til Skógræktarfélags Reykjavíkur við Elliðavatn.

Lagfæring á varnargörðum: Í framhaldi af tölvupósti sem kom frá Helga Gíslasyni (SR) þá var ákveðið að reyna að ýta á Landgræðsluna með að lagfæra varnargarðana á austursvæðinu.

Aðalfundur: Ákveðið var að hafa aðalfundinn þann 25. maí. SR getur ekki hýst fundinn og mun Kjartan athuga með að fá sal hjá Ferðafélagi Íslands. Framkvæmdastjóra SR og stjórnarformanni verður sent boðsbréf og tekið fram að aðrir stjórnarmenn séu einnig velkomnir. Skv. ábendingu frá SR var ákveðið að reyna að fá Hrefnu Jóhannesdóttur skógfræðing til að handa fræðsluerindi á aðalfundinum.
Drög að lýsingu á kostum varðandi landmælingar og þinglýsingu: Farið var yfir drögin og varð talsverð umræða um þá kosti sem þar koma fram. Einar Ragnar mun hafa samband við Svein sveitarstjóra í Vík, eins og ákveðið var á síðasta fundi, og ganga úr skugga um að báðir kostirnir séu raunhæfir. Hann mun einnig spyrjast fyrir um það hvaða áhrif hugsanlegar breytingar á útlínum skógræktarreita hafi á hið svokallaða deiliskipulag svæðisins. Í framhaldi af þessu verður ákveðið hvort gera þarf breytingar á drögunum.

Facebook síða Fellsmerkur

ÞETTA ER GAMLI VEFUR FELLSMERKUR

Þessum hluta vefsins hefur ekki verið viðhaldið eftir mars 2023.

Nýr vefur er hér: https://www.fellsmork.is/

LUMAR ÞÚ Á EFNI?

Landnemar og aðrir sem luma á efni sem tengist Fellsmörk eru hvattir til að senda það til félagsins svo það komist á vefinn. Sérstaklega er óskað eftir myndum í hóflegu magni sem m.a. sýna hvernig ræktunarstarfið gengur.

Sendist til umsjónarmanns vefsins á netfangið eragnarsig@gmail.com.