|
TIL BAKA
----------------------
SÉRSTAKT EFNI
Erindi Valdimars af
aðalfundi 2012: Umhirða trjágróðurs
Fuglalíf á Fellsmörk
Panoramamyndir
----------------------
FLÝTILEIÐIR
Félagatal
Fundargerðir
Vegir og slóðar
Lönd á
Fellsmörk (GPS) |
|
|
Stjórnarfundur í Félagi landnema í Fellsmörk haldinn 29.4.2004
(Fjórði fundur stjórnar veturinn 2003/2004, haldinn hjá Auðunni)
Mættir: Auðunn Oddsson, Einar Kristjánsson, Einar Ragnar Sigurðsson, Hjalti
Elíasson, Kjartan J. Kárason, Magnús Jóhannesson og Sveinn
Björnsson.
Dagskrá fundarins:
1. Viðhald girðinga og vega
2. Landnemareitir og þinglýsing samninga
3. Aðalfundur
4. Fyrirlesari á aðalfundi
5. Drög að samstarfssamningi
Helstu atriði úr fundargerð:
- Viðhald
girðinga og vega: Viðgerð á girðingum
á austursvæðinu gengur vel. Ákveðið var að Einar Ragnar mundi ræða
við Helga Gíslason hjá Skógræktarfélaginu um að það þyrfti að
laga varnargarðana líka til að vernda girðingarnar. Líklegt væri
að fé væri að finna hjá Vegagerð eða Landgræðslu til viðhalds
á þeim. Einnig þarf að laga Gilbraut, Hólsbraut og Hlíðarbraut
sem eru illa farnar eftir veturinn.
- Landnemareitir
og þinglýsing samninga: Fyrir liggja
tveir kostir varðandi þinglýsingu mældra landnemareita; að mæla
og þinglýsa einungis byggingareitum (3000 fm.) og tiltaka skógræktarreiti
umhverfis þá eða mæla og þinglýsa skógræktarreitunum sjálfum
(1 ha.). Í fyrsta lagi var ákveðið að Einar Ragnar mundi ræða
það við Svein sveitarstjóra í Vík og Helga hjá Skógræktarfélaginu
og fá staðfest að þessir kostir væru báðir raunhæfir. Í öðru
lagi var ákveðið að Magnús mundi setja saman lýsingu á þessum
tveimur möguleikum og lýsa kostum þeirra og göllum. Þetta
verður síðan borið undir aðalfund til ákvörðunar.
- Aðalfundur:
Ákveðið var að hafa stjórnarfund eftir viku og ljúka þá verkum
fyrir aðalfund. Á þeim fundi verði ákveðið hvenær aðalfundur
verður haldinn en tveir dagar koma helst til greina; 18. eða 25. maí.
- Fyrirlesarar
á aðalfundi: Einari Ragnari var falið að
kanna möguleika á að fá fyrirlesara á aðalfund hjá SR eða Suðurlandsskógum.
- Drög
að samstarfssamningi: Lögð voru fram drög
að nýjum samstarfssamningi um ræktun landgræðsluskóga í Fellsmörk
sem Helgi Gíslason hjá SR hefur komið til stjórnar Fellsmerkurfélagsins
og óskað eftir áliti. Þessi samningur verður ræddur á næsta
fundi.
|
|
|
|
|
