|
TIL BAKA
----------------------
SÉRSTAKT EFNI
Erindi Valdimars af
aðalfundi 2012: Umhirða trjágróðurs
Fuglalíf á Fellsmörk
Panoramamyndir
----------------------
FLÝTILEIÐIR
Félagatal
Fundargerðir
Vegir og slóðar
Lönd á
Fellsmörk (GPS) |
|
|
Stjórnarfundur í Félagi landnema í Fellsmörk haldinn 4.3.2003
(Sjötti fundur stjórnar veturinn 2002/2003, haldinn hjá Elsu).
Mættir: Einar Ragnar Sigurðsson, Elsa G. Vilmundardóttir, Magnús
Jóhannesson og Sveinn Björnsson.
Gestur fundarins var Vignir Sigurðsson framkvæmdastjóri
Skógræktarfélags Reykjavíkur.
Helstu atriði úr fundargerð:
-
Uppboðsmál og fleira
tengt: Vignir staðfesti að samkomulag væri komið á milli
landbúnaðarráðuneytisins og Skógræktarfélagsins og uppboð á
jörðinni Álftagróf því alveg úr sögunni. Ábúandinn fer af
jörðinni þann 10. mars. Í framhaldi af því hefur ráðuneytið
hug á að láta mæla út 20-40 hektara land umhverfis húsin í
Álftagróf og leita heimildar til sölu á því landi ásamt
húsunum. Þetta yrði gert í samráði við Skógræktarfélagið
sem er eignaraðili. Verður þetta skoðað betur á næstu
mánuðum en heimild Alþingis til sölu fæst í fyrsta lagi um
næstu áramót. Söluaðgerðir gætu þó hafist fyrr. Sagði
Vignir tryggt að ekki yrði farið í þetta söluferli fyrr en
hugmyndirnar hefðu verið kynntar fyrir landnemum. Fram koma líka
hjá honum að ef af sölunni yrði þá mundi leigugjald fyrir
landið sem þá stæði eftir lækka til muna því það er tengt
fasteignamati.
-
Aðkoma
Skógræktarfélagsins: Vignir upplýsti að hjá stjórn
Skógræktarfélagsins hefði komið fram skýr vilji til að hætta
rekstri félagsins í Fellsmörk. Vill félagið gera landnemum
kleift að ganga inn í leigusamninginn við ríkið og taldi Vignir
auðvelt að koma því í kring ef landnemar vilja það.
-
GPS-mælingar: Rætt
var um GPS-mælingarnar. Vignir samþykkti að fulltrúar landnema
færu yfir mælingarnar sem búið væri að gera og mældu upp á
nýtt þar sem skekkjur væru. Þessar mælingar yrðu síðan
lagðar til grundvallar þinglýsingum eins og upphaflega var
fyrirhugað.
-
Viðhald svæðis:
Vignir upplýsti að hann hefði farið með landgræðslustjóra
austur í Fellsmörk að skoða flóðaskemmdir, m.a. eftir
Klifandi. Í kjölfarið var gerð bráðabirgðaviðgerð á vegi
og varnargarði við Heiðarbraut. Frekari lagfæringar eru
fyrirhugaðar. Á döfinni eru síðan viðgerðir á vegum og á
girðingum áður en sauðfé verður sleppt á svæðið umhverfis
í vor.
-
Plöntun: Kjartan er
búinn að fá plöntulista fyrir sumarið og verður hann tekinn
fyrir á næsta fundi. Formaður plöntunarhópsins verður
boðaður á þann fund.
|
|
|
|
