TIL BAKA

----------------------
SÉRSTAKT EFNI

Erindi Valdimars af aðalfundi 2012: Umhirða trjágróðurs

Fuglalíf á Fellsmörk

Panoramamyndir

----------------------
FLÝTILEIÐIR

Félagatal

Fundargerðir

Vegir og slóðar

Lönd á Fellsmörk (GPS)

Stjórnarfundur í Félagi landnema í Fellsmörk haldinn 3.12.2002 

(þriðji fundur stjórnar veturinn 2002/2003, haldinn hjá Sveini).

Mættir: Einar Ragnar Sigurðsson, Elsa G. Vilmundardóttir, Magnús Jóhannesson, Kjartan Kárason og Sveinn Björnsson.

Helstu atriði úr fundargerð:

1. Ákveðið var að birta helstu atriði úr fundargerðum stjórnar á vef Fellsmerkur.

2. Einar Ragnar sagði frá því að örnefnaskrár væru komnar á vef Fellsmerkur. Ákveðið var að safna myndum af svæðinu og tengja þær með krækjum við þau örnefni sem er að finna í skránum. Einnig er stefnt að því að setja á vefinn tilvitnanir í fleiri texta sem snerta Fellsmörk.

3. Einar Ragnar fór austur í Fellsmörk fyrir 10 dögum og gerði nokkrar GPS mælingar til samanburðar við mælingar sem Skógræktarfélag Reykjavíkur lét gera í lok sumars. Hann ræddi í kjölfarið við mælingamann félagsins og fékk að vita hvernig staðið var að mælingunum. Í ljósi þeirra upplýsingar sem út úr þessu komu þá telur stjórnin að í mælingum Skógræktarfélagsins séu skekkjur sem þurfi að laga áður en hægt er að setja mælipunktana inn í samninga til þinglýsingar. Ákveðið var að Magnús hefði samband við Svein Pálsson í Vík vegna þessa máls og að Einar Ragnar hefði samband við Vigni hjá Skógræktarfélaginu um lagfæringar á mælipunktunum.

4. Einar og Magnús hafa fylgst með framvindu uppboðsmálsins á Álftagróf. Fyrsta uppboð er dagsett þann 5.12.2002 en daginn áður (4.12.2002) er fyrirhugaður fundur Skógræktarfélagsmanna með landbúnaðarráðuneytinu um hugsanlega lausn málsins svo ekki þurfi að koma til uppboðsins. Hafa tilboð gengið á milli þessara aðila og jafnvel er búist við að lausn fáist á fundinum. Mun Magnús frétta af niðurstöðu fundarins strax að honum loknum og koma upplýsingunum til stjórnarmanna í kjölfarið.